خلصتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت يا جدعان

انتهت الثانوية العامة اخيرا و اصبحت حرا مستقلا و حمدا لله جبت९९ و خلاص انتهى الكابوس الفظيع اللى انا و كل الطلاب و اسرهم عايشناه بكل ما اوتينا من قوة احيانا و صبر احيانا و كره احيانا و استمتاع نادر و فى بعض الاحيان فار التنور و جبنا اخرنا و اكتابنا و خفنا و اترعبنا معا و لكن الحمد لله فلتدق الطبول و لترتفع الزراغيط و ليبل الشربات فلقد انتصرنا على مسخ الثانوية العامة الذى قضينا سنتين من عمرنا نحاربه و هاتان السنتان اقتطعا بالاكراه من عمرنا و ماضينا و من عمر ابائنا و امهاتنا

و انتهت الايام اللى كانت والدتى تفضل تزعقلى فيها علشان اذاكر و كنت اشعر بالمحكوم عليه بالاعدام و الجلاد ينادى اسمه فقد حان الوقت-و ليس ذلك لانى لا احب العلم و لا حاجة-لكن بسبب ان اللى احنا كنا بندرسه ده مايجيش فى سوق العلم بمليم واحد-او جنيه مالاتنين بقوا بنفس القيمة-انا كنت حاسس بالجهل و اتذكر السيدة التى اتصلت بحلقة من حلقات العاشرة مساءً و قالتلها انا بنتى راحت عليها سنتين متعلمتش فيهم كلمة و انا اوافقها الرأى فنحن -كطلاب-نعامل كشريط كاسيت يتم حفظ المعلومات فيه-و الشريط لا يفقه شيءً من المسجل-ثم ياتى يوم الامتحان و يفرغ الشريط محتواه فى و رقة الاجابة ليخرج من اللجنة لا يتذكر شيءً من هذه المادة و ذلك استعدادًا لحفظ المادة التى تليها فنحن حمير تحمل اسفار بس مش مهم كله يهون علشان خاطر العلم و اللى احنا عارفينه و حرمه اللى احنا عارفينها و شكرا

انا انشات المدونة دى لعدة اسباب بس اهم اتنين هما انى خايف على مصر بلدى,امى,اخواتى و صحابى و كل حاجة فى حياتى و السبب التانى هو حالة الاحباط السياسى الرهيبة اللى بمر بيها-زى اى واحد او واحده مصرية -الحالة دى اللى حطتنا فيها الحكومة ومش بس احباط سياسى يل احباطات كثيرة منها الاجتماعى و الفنى و الاقتصادى, يعنى من الاخر الحكاية بقت خلطبيطة و عشان كدة لقيت فى التدوين امل فى التغيير و بدات اتابع موضوع المدونات و اقرى مدونات كتير لحد ما قررت انى انشا مدونة يعنى حاجة على ماؤسوم كده علشان اطلع اللى جوايا قبل مانفجر و الحقيقة انا تتلمذت على يد مدونين كبار ذى منال و علاء و اسد و منعم و غيرهم -حتى ولو كانوا ميعرفوش-وانا يادوب كتبت رسالة افتتاحية بسيطة كدة وانشغلت فى الثانوية العامة ولكن الحمد لله انا خلصت و قاعد متبغدد فى البيت مبعملش حاجة غير انى اقعد طول اليوم قدام الكومبيوتر و اكتب و اكتب و اكتب لحد مايدي تتعب وربنا يستر و اقدر اوفى واجبى تجاه حبيبتى و عشيقتى و امى و اختى و بنتى و ابويا و خويا و عمى و كل حياتى مصر"المشهورة باسم بهية" وشكرا

انا مش عارف انا هنا ليه؟ بكتب فى المدونة دى
يمكن لمجرد التدوين؟
يمكن علشان هيه آخر امل لينا فى الاصلاح؟
يمكن علشان احنا محكوم علينا بالسكوت و عدم التعبير بحريه فى المجتمع؟
انا شايف حاجات غلط كتير فى بلدى
لكن مش عارف تتصلح ازاى
نفسى فى بلدى اكون مواطن درجه اولى مش تالته
نفسى احس انى نى قادم
لية حقوق بس مش قادر
مخنوق
خلاص حاسس انى بموت

مرحبا

لم اكن انوى ان انشء هذه المدونه ولكن المسئوليه كبيره و يجب ان نكون قدها انتظرونى